Türkiyənin “Karşıyaka” klubundan ayrılan millimizin qapıçısı Kamran Ağayevin hansı komandaya keçəcəyi maraqla gözlənilir.
İdmanxeber.com-un məlumatına görə, qolkiper gələcək karyerası ilə bağlı “Xəzər Xəbər”ə danışıb.
O, açıqlamasında nə “Neftçi”yə, nə də “Qarabağ”a keçəcəyini bildirib:
“Karşıyaka”da atdığım addım yalnış idi. Komanda gərək bütöv olsun. Oradan böyük hörmətlə ayrılmışam. Ancaq o klub “Kayserispor” kimi deyildi. Mənə çatacaq 35 min dolları istəmədim və transfer kağımızı götürərək, ayrıldım.
Ağayev yeni klub tapana qədər “Sumqayıt”da məşq edəcək. Formasını bərpa etmək istəyən qolkiper artıq klub rəhbərliyindən icazə alıb: “Sumqayıt rəhbərliyi ilə danışmışam. Onlar heç bir etiraz etmir. Samir Abasovun məşq prosesini pozmamaqla, “kimyaçılar”ın hazırlıqlarında iştirak edəcəm. Yəqin ki, hansısa kluba transfer olunaram. Ancaq bunlar “Qarabağ”la “Neftçi” deyil. Onlar bu addımı atmaq istəməz. Belə baxanda, onların qapıçı problemi də yoxdu”.