"İnter"in baş məşqçisi Kaxaber Sxadadze "Elfsborq"la oyundan sonra jurnalistlərin suallarını cavablandırıb.
İdmanxeber.com-un məlumatına görə, "bankirlər"in gürcüstanlı çalışdırıcısı istefa vermək istədiyini bildirib:
"Hər iki oyunda daha çox qol imkanları yaratdıq. 120 dəqiqə ərzində də şanslarımız çox oldu. Qırmızı vərəqə və qapımıza penaltinin təyin olunması oyunumuzu dağıtdı. Bilmirəm hakim Azərbaycana hansı fikirlərlə gəlmişdi. Artıq mən yorulmuşam. İstefa verməyi düşünürəm. Mənim istefamı qəbul etsələr, gedəcəm. Bununla belə, yaxşı komanda formalaşdırmışam. Mənim əvəzimə kim gəlsə, onun üçün rahat olacaq".