PSJ-nin prezidenti Nasser Al-Xelaifi hücumçu Kilian Mbappenin mümkün gedişi ilə bağlı açıqlama verib.
İdmanxeber.az-ın məlumatına görə, klub rəhbəri fransalı forvardın “Real”a keçəcəyi barədə çıxan iddiaları belə cavablandırıb:
“Mbappenin gedəcəyini təsdiqləyə bilmərəm. Məsələ rəsmiləşəndə klub belə şeyləri elan edir. Onun mövcud müqaviləsi var, lakin biz gələcək üçün planlar qururuq”.
Mbappenin yayda PSJ-ni azad agent kimi tərk edəcəyi bildirilir.
25 yaşlı futbolçu hazırda “Real”la şəxsi müqaviləsinin şərtləri ilə bağlı danışıqlar aparır. Hücumçu ilə madridlilər arasındakı anlaşmanın 2029-cu ilə qədər davam edəcəyi gözlənilir.