Avropa Liqasının ikinci təsnifat mərhələsinin cavab oyununda “Neftçi”ni qəbul edəcək “Koper” klubunun baş məşqçisi mətbuat konfransında jurnalistlərin sualllarını cavablandırıb.
İdmanxeber.com-un məlumatına görə, “Neftçi”ni Bakıda 2:1 hesabı ilə məğlub edən baş məşqçi Rodolfo Vanoli bu sözləri deyib:
“Neftçi”nin gücünə bələdik. Ancaq futbolçularıma inanıram. Öz oyunumuzu sərgiləsək, istədiyimiz nəticəni qazanacağıq. Bakıda çox intizamlı oynadıq. “Neftçi”nin bizimlə müqayisədə daha səviyyəli futbolçulara malik olduğunu bilirik. Maliyyə baxımından da “Neftçi” bahalı klubdu. Lakin bizdə komanda ruhu var. Azarkeşlərə və şəhərə qələbəmizlə sevinc bəxş etmək istəyirik”.