“Latsio” Daiti Kamada və Qustav İsakseni heyətinə qatmağa yaxındır.
İdmanxeber.az-ın məlumatına görə, yapon oyunçu azad agent kimi paytaxt klubuna qoşulacaq. Danimarkalı vinger üçün “Latsio” “Midtyulland”a bonuslarla birlikdə 12 milyon avroya yaxın pul ödəyəcək.
Kamada 2017-ci ildən çıxış etdiyi “Ayntraxt”da (Frankfurt) 179 oyuna 40 qol vurub və 33 məhsuldar ötürmə edib. Transfermarkt saytına görə, yapon futbolçunun transfer dəyəri 27 milyon avrodur.
22 yaşlı İsaksen isə “Midtyulland”da 139 oyuna 33 qol vurub.