Dekabrın 11-də Azərbaycana gələn futbol əfsanəsi Lionel Messi və dünya ulduzları Luis Suares, Serxio Buskets və Xordi Alba Bakıdakı Fəxri xiyabanda ulu öndər Heydər Əliyevin məzarını ziyarət ediblər.
İdmanxeber.az oxu.az-a istinadən xəbər verir ki, onlar ümummilli liderin xatirəsini anıb, məzarı önünə əklil qoyublar.
Lionel Messi və dostlarını iş adamı Adnan Əhmədzadə müşayiət edib.
Həmçinin daha sonra onlar Bakıda Qarabağ atları ilə tanış olublar. Messi və komanda yoldaşlarına Qarabağ atlarının özünəməxsusluğu nümayiş etdirilib. Bu, qonaqlarda xoş təəssürat yaradıb.