Azərbaycan I Liqa klubu “İmişli”nin baş məşqçisi Fərid Namazovun vəzifəsindən ayrıldığı barədə xəbərlər dolaşır.
İdmanxeber.az-a verilən məlumata görə, gənc mütəxəssis vəzifəsinin başındadır. Onun klubdan ayrıldığı yönündə çıxan xəbərlər həqiqəti əks etdirmir.
“İmişli” rəhbərliyi Fərid Namazovun komandanı toparlayacağına inanır.
Rəhbərlik həmçinin baş məşqçiyə köməkçi axtarışındadı. Klubun idarəediciləri məşqçilər heyətini gücləndirməklə komandanın daha yaxşı çıxış etməsinə nail olmaq istəyir.
Xatırladaq ki, İmişli təmsilçisi II dövrənin ilk matçında MOİK-ə məğlub olub – 3:4.