Almaniya 2-ci Bundesliqasında 8-ci turun oyunları keçirilir.
İdmanxeber.az-ın məlumatına görə, Azərbaycan milli komandasının üzvü Mahir Emrelinin formasını geyindiyi “Nürnberq” doğma meydanda “Pröyssen Mönster”i qəbul edib. Qarşılaşma Miroslav Klozenin rəhbərlik etdiyi kollektivin 3:2 hesablı qələbəsi ilə başa çatıb.
Mahir Emreli də bu görüşün iştirakçısı olub. 27 yaşlı forvard matça start heyətində başlayıb. Azərbaycanlı futbolçu 72-ci dəqiqədə əvəzlənib.
Xallarını 10-a yüksəldən “Nürnberq” turnir cədvəlinin 10-cu pilləsində qərarlaşıb.