Çempionlar Liqasının üçüncü təsnifat mərhələsinin ilk oyunu çərçivəsində “Zalsburq”u qəbul edəcək “Qarabağ” klubunun futbolçusu Maksim Medvedyev oyun haqda danışıb.
İdmanxeber.com-un məlumatına görə, oyundan öncəki mətbuat konfransında Medvedyev bu sözləri deyib:
“Bizi sabah ağır oyun gözləyir. Çoxları düşünür ki, “Zalsburq” sabah bizi məğlub edəcək. Ancaq “Qarabağ” da zəif komanda deyil. Bizim də Avropa təcrübəmiz var. Çaışacağıq ki, rəqibə hücum futbolu göstərək və onlara sübut edək ki, biz də zəif deyilik. Artıq bir həftədir komanda ilə məşq edirəm. Demək olar ki, oyuna yüz faiz hazıram. Baş məşqçi şans versə, sabah meydanda olacam”.