Avroliqanın qrup mərhələsinin V turuna start verilir
İdmanxeber.az-ın məlumatına görə, “Sportinq” Bakıda “Qarabağ”ın qonağı olub. Oyundan sonra keçirilən mətbuat konfransında qonaq komandanın baş məşqçisi Marsel Keyzer jurnalistlərin suallarını cavablandırıb.
-Oyunla bağlı nə deyə bilərsiniz ?
-Oyuna çox yaxşı başladıq. Öndə pressinqlə başladıq. “Qarabağ”ın oyununu çox bəyənirəm. Belə bir nəticə gözləmirdik.
-Komandanızın çıxışını 0-10 arası qiymətləndirsəniz, neçə verərsiniz ?
-Bu gün onlar çox yaxşı oynadı. Mən komandama 7-8 arası bal verərdim. Təbii ki, onların oyunundan razı qaldım. Ancaq daha da yaxşı olacayıq. Bunun üçün zamana ehtiyacımız var. Əsas olan mövsüm boyu bu oyunu oynaya bilməkdir.
-Az öncə komandanızın daha da yaxşı olacağını dediniz. Konkret hansı mövqeni nəzərdə tutursunuz ?
-Ən əsas topu necə istifadə edəcəyimizi nəzərdə tuturam. İki həftəyə görə çıxışımız çox yaxşıdır. Boş zonalarda topla daha düzgün rəftar etməliyik. Pressinqlə oynamaq hər zaman faydalı olur.
-Bəlkə 6 aydan sonra yenidən gəldiniz. Stadionla bağlı nə deyə bilərsiniz ?
-Mən çox uzağı düşünmək istəmirəm. Stadionla bağlı onu deyim ki, hər şey çox yaxşı idi.
-“Qarabağ”ı bəyəndiyinizi dediniz. Maraqlıdır bu oyunda komandanın hansı tərəfini bəyəndiniz ?
-İlk hissədə rəqib bizə kifayət qədər təhlükə yaratdı. Topun cinahını çox tez dəyişirdilər. Fasilədə bunu müzakirə etdik. Oyunçularıma çox diqqətli olmalarını bildirdim.