Fransa millisinin hücumçusu Kilian Mbappe 2024-cü il Avropa çempionatının seçmə mərhələsində Niderland ilə matçda dubl edib.
İdmanxeber.az-ın məlumatına görə, 24 yaşlı futbolçu matçın 7 və 53-cü dəqiqələrində fərqlənib. Bununla da Mbappe qollarının sayını 42-yə çatdırıb. O, 72 oyuna aktivində 41 qolu olan Mişel Platinini geridə qoyub.
Mbappe Fransa yığmasının bombardiri siyahısında dördüncü yerdədir. Olivier Jiru 54 qolla birinci sıradadır. İkinci yerdə Tyerri Anri (51), üçüncü yerdə isə Antuan Qrizmann (43) qərarlaşıb.