Dekabrın 19-da AFFA yanında Media Komitəsinin İdarə Heyətinin üzvlərindən Mahir Rüstəmli, Vüqar Zeynalov, İlqar Tağıyev və Elmir Əliyev AFFA-nın baş katibi Elxan Məmmədovla görüşüblər.
İdmanxeber.com-un məlumatına görə, Komitənin AFFA ilə əlaqələndiricisi Firuz Abdullanın da iştirak etdiyi görüşdə AFFA yanında Media Komitəsinin fəaliyyəti, üzləşdiyi müəyyən problemlər, idman medaiasının durumu, görüləcək işlər, o cümlədən dil kursları və layihələrlə bağlı məsələlər müzakirə olunub. AFFA-nın baş katibi Elxan Məmmədov Media Komitəsinin fəaliyyətini davam etdirməsinin idman mətbuatının işinə və formalaşmasına müsbət təsir göstərdiyini vurğulayıb və gələcəkdə komitəyə dəstək olacaqlarını bildirib.