“Arsenal”ın baş məşqçisi Mikel Arteta 5 nəfərlik simvolik heyətinə kimləri daxil edəcəyi ilə bağlı sualı cavablandırıb.
İdmanxeber.az-ın məlumatına görə, ispaniyalı mütəxəssis oyunçu bəyəndiyi oyunçuların adlarını açıqlayıb:
“Bir nömrəli mütləq Lionel Messi olmalıdır. Baxmayaraq ki, biz birlikdə oynamamışıq və onunla işləməmişəm. Məncə, o, futbol tarixində ən böyük təsirə malik futbolçudur. Meydanda etdiklərini bu qədər illərdir başqasından görməmişik. Ronaldonu və braziliyalı Ronaldonu da daxil edərdim, çünki uşaqlıqdan ona aşiq olmuşam”.
Məşqçi Dieqo Maradona və Yohan Kroyffun da adını çəkib.
Messi 2003-cü ildən formasını geyindiyi “Barselona”nın yetirməsidir. 2021-2023-cü illərdə hücumçu PSJ-də çıxış edib. Bu yay futbolçu MLS-dən İnter Mayamiyə keçdi. 36 yaşlı argentinalı səkkiz “Qızıl top” mükafatının sahibidir.