Bu gün Azərbaycan millisi yoldaşlıq görüşünə çıxıb.
İdmanxeber.az-ın məlumatına görə, millimiz Bəhreynlə qarşılaşıb. Bəhreyn Milli Stadionunda keçirilən matçda qapılara 5 qol vurulub. İlk hissəsi heç-heçə başa çatan (1:1) matçın ikinci yarısında millimiz daha iki qol vuraraq qələbə qazanıb.
Komandamız oktyabrın 13-də AVRO-2020-nin seçmə mərhələsində Macarıstan millisinin qonağı olacaq.
Yoldaşlıq oyunu
9 oktyabr
20:30. Bəhreyn – Azərbaycan – 2:3
Qollar: Rahman, 31 (1:0), Rüfət Dadaşov, 41 (1:1), Təmkin Xəlilzadə, 62 (1:2), Saad, 68 (2:2), Ramil Şeydayev, 70 (2:3)
Bəhreyn milli stadionu