30 Noyabr 2021
Kateqoriyasız

Millimizin Avropa çempionatında rəqibləri müəyyənləşir

Bu gün gələn il yanvarın 19-dan fevralın 6-dək Niderlandda keçiriləcək Avropa çempionatının final mərhələsinin püşkü atılacaq.

Həlledici raund ilk dəfə olaraq 16 komandanın iştirakı ilə keçiriləcək. Zeist-də təşkil olunacaq püşkatma yerli vaxtla saat 18:00-da start götürəcək. Meydan sahibi Niderlanddan başqa, Azərbaycan, Bosniya və Herseqovina, Xorvatiya, Finlandiya, Gürcüstan, İtaliya, Qazaxıstan, Polşa, Portuqaliya, Rusiya, Slovakiya, Sloveniya, İspaniya və Ukrayna milliləri də final mərhələsində iştirak edəcək. Sonuncu vəsiqənin sahibi isə noyabrda Belarus və Serbiya yığmaları arasında keçiriləcək pley-off oyunlarından sonra müəyyənləşəcək.

Artıq komandalar səbətlərə bölünüb. Qruplara hər səbətdən bir komanda düşəcək. Millimiz Xorvatiya, İtaliya və Serbiya-Belarus cütünün qalibi ilə bir qrupda yer almayacaq. Meydan sahibi Niderland isə püşk atılan zaman avtomatik olaraq A qrupunda 1-ci pillədə qərarlaşacaq.

Püşkatmada Azərbaycan millisinin baş məşqçisi Joze Alesio Da Silva və komandanın meneceri Fərrux Hüseynzadə də iştirak edəcək.

1-ci səbət

İspaniya

Rusiya

Portuqaliya

Qazaxıstan

2-ci səbət

Xorvatiya

Azərbaycan

Serbiya/Belarus

İtaliya

3-cü səbət

Ukrayna

Sloveniya

Bosniya və Herseqovina

Polşa

4-cü səbət

Finlandiya

Slovakiya

Gürcüstan

Niderland

Qeyd: İndiyə qədər İspaniya 7, İtaliya 2, Rusiya və Portuqaliya isə hərəyə 1 dəfə Avropa çempionu olub. Bosniya və Herseqovina, Gürcüstan, Finlandiya və Slovakiya isə həlledici mərhələdə debüt edəcəklər.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Qarabağ” – “Neftçi”: start heyətlər

admin

UEFA-nın Bakıdan gözləntisi – azarkeş rekordu

admin

“Arsenal”da “Qarabağ” oyunu öncəsi ciddi itki

admin