Dekabrın 1-də səhhətində ciddi problem yaranan kişi voleybolçulardan ibarət Azərbaycan millisinin üzvü Tural Həsənli daxili qanaxma və bağırsaq partlaması diaqnozu ilə əməliyyat olunub.
İdmanxeber.az xəbər verir ki, bu haqda Azərbaycan Voleybol Federasiyasının mətbuat xidməti məlumat yayıb. İdmançı artıq xəstəxanadan evə buraxılıb.
Xatırladaq ki, Tural Həsənlinin “Panatinaikos”a qarşı Çelenc Kubokunun 1/16 final mərhələsinin Yunanıstandakı cavab oyunu ərəfəsində səhhətində problem yaranıb.
Həsənli kritik vəziyyətdə Bakıya çatdırılıb və hava limanından birbaşa xəstəxanaya yerləşdirilib. Daxili qanaxması olan voleybolçunun bağırsağından ağır əməliyyat keçirdiyi vurğulanıb.