“Qarabağ”ın qapıçısı Andrey Lunyov Rusiya millisinə çağırıla bilər.
İdmanxeber.az-ın məlumatına görə, bu barədə yığmanın qapıçılar üzrə məşqçisi Vitali Kafanov müsahibəsində deyib:
“Yığmaya namizədlər arasında “Qarabağ”da çox yaxşı çıxış edən Andrey Lunyov da var. O, Avropa Liqasının qrup mərhələsində meydana çıxdığı ilk iki görüşdə qapısının toxunulmazlığını qorumağı bacardı. Lunyov “Neftçi” ilə çempionat qarşılaşmasını da yüksək səviyyədə keçirdi”.
Almaniyanın “Bayer 04” klubundan ayrılan Andrey Lunyov “Qarabağ”a azad agent kimi keçib.