Avropa Liqasının pley-off mərhələsinin “Partizan”la cavab matçı öncəsi “Neftçi”nin futbolçusu Mirhüseyn Seyidov klubun rəsmi saytına açıqlama verib.
İdmanxeber.com-un məlumatına görə, Seyidov oyun haqda bu fikirləri səsləndirib:
“Partizan”la Avropa Liqasının qrup mərhələsində də qarşılaşmışdıq və rəqibin oyununa bələdik. Serblər əvvəlki ilə müqayisədə indi daha yaxşı təsir bağışlayır. Meydanda bütün gücümüzü qoyacağıq. “Partizan” səfərdə oynadığını matç başlayandan son dəqiqələrə qədər hiss etməlidir. Azarkeşlərin də dəstəyi sayəsində qalib gələ bilərik. APOEL ilə səfər qələbəsindən sonrakı sevinci xalqımıza bir daha yaşatmaq niyyətindəyik”.