“Qəbələ”nin baş məşqçisi Dorinel Muntyanu Azərbaycan Premyer Liqasının üçüncü turunda “Bakı”ya qalib (2:0) gəldikləri oyundan sonra fikirlərini bildirib.
İdmanxeber.com-un PFL-in saytına istinadən yaydığı xəbərə görə, o, ilk növbədə komandasını qələbə münasibəti ilə təbrik edib.
“Hava çox isti idi. Futbolçularımız bu istiyə dözərək, sona qədər mübarizə apardılar. “Bakı” ilk hissədə bizə heç bir qol imkanı vermədi. Amma ikinci hissədə öz oyunumuzu tətbiq etdik və qələbə qazandıq. Qarşıdakı matçlarda daha yaxşı futbol oynamağa çalışacağıq. Dodo artıq 3 gündür ki, əsas komandadadır, bizimlə davam edəcək. Hesab edirəm ki, Dodo əvəzedici heyətdə keçirdiyi vaxtda səhvlərini dərk edib”.