“Neftçi” PFK-nın yeni baş məşqçisi Nazim Süleymanov “Bakcell Arena”da mətbuat konfransı keçirərək media nümayəndələrinin suallarını cavablandırıb. Avropada tarix yazmış bir klubun sükanı arxasına keçməyin böyük məsuliyyət tələb etdiyini deyən təcrübəli mütəxəssis, “Neftçi”də olması ilə qürur duyduğunu bildirib. Nazim Süleymanov ona göstərilən etimada görə klub prezidenti Sadıq Sadıqova minnətdarlığını bildirərək, “Neftçi” PFK-nın uğurları üçün əlindən gələni əsirgəməyəcəyini jurnalistlərin diqqətinə çatdırıb.