“Neftçi” futbolçusu Gilyerme Pato ilə vidalaşıb.
İdmanxeber.az klubun rəsmi saytına istinadən məlumatına görə, braziliyalı hücumameylli yarımmüdafiəçi ilə müqaviləyə qarşılıqlı razılaşma əsasında xitam verilib.
Qeyd edək ki, 2022-ci ilin yanvarında “Neftçi”yə transfer olunmuş 23 yaşlı vinger bu müddət ərzində 32 rəsmi oyunda meydana çıxıb, 2 qola imza atıb.
Patonun karyerasına ölkəsində davam edəcəyi gözlənilir. O, “Fiqueysense” klubu ilə razılaşdığı iddia edilir.