Ölkəmizi UEFA Çempionlar Liqasında təmsil edən “Neftçi” bu gün birinci təsnifat mərhələsinin cavab görüşündə “Dinamo”(Tbilisi) ilə üz-üzə gəlib.
İdmanxeber.az-ın məlumatına görə, Samir Abasovun komandası ilk görüşdə qələbə qazandığından bu matçda istənilən hesablı heç-heçə də qane edirdi.
Bakı klubu cavab matçında da rəqibini məğlub etməyi bacarıb.
Xatırladaq ki, Gürcüstanda keçirilən ilk görüşdə “ağ-qaralar” 2:1 hesabı ilə qalib gəlib.
“Neftçi” II təsnifat mərhələsində Yunanıstan çempionu “Olimpiakos”la qarşılaşacaq.
Çempionlar Liqası
I təsnifat mərhələsi (cavab oyunu)
21:00 “Neftçi”(Azərbaycan) – “Dinamo”(Tbilisi, Gürcüstan) 2:1
Qollar: Emin Mahmudov, 58 (pen.), Namiq Ələsgərov, 68 – Milan Radin, 52