“Qəbələ”dən ayrılan Elnur Allahverdiyev özünə yeni iş yeri tapıb.
İdmanxeber.com-un məlumatına görə, təcrübəli futbolçu bundan sonra “Neftçi”nin şərəfini qoruyacaq.
Millinin sabiq müdafiəçisi ilə bir illik müqavilə imzalanması nəzərdə tutulub.
Məsələ bugünlərdə ictimaiyyətə rəsmən açıqlanacaq.
Xatırladaq ki, Elnur ötən il “Xəzər Lənkəran” forması ilə kubok finalının ardından “Neftçi” rəsmiləri, futbolçuları ilə əlbəyaxa olmuşdu.