Azərbaycan Premyer Liqasının 32-ci turunda “Neftçi”ni qəbul edəcək “Qarabağ” klubu qarşıdakı derbi oyuna hazırlaşır.
İdmanxeber.com-un klubun rəsmi saytına istinadən verdiyi məlumata görə, bazar günü “Simurq”la qarşılaşdıqdan sonra Bakıya dönən komanda bazar ertəsi istirahət edib.
Çempionatın lideri günün yeganə çalışmasını 17:30-da, Suraxanı qəsəbə stadionunda keçəcək. “Qarabağ”da cəzalı futbolçu olmasa da “Simurq”la oyunda zədələnərək meydanı vaxtından əvvəl tərk edən Corc Leroyun ağrıları davam edir. Hollandiyalının derbiyə qədər hazır olub-olmayacağı bəlli deyil.
Qeyd edək ki, bazar günü Tofiq Bəhramov adına respublika stadionunda kedçiriləcək “Qarabağ” – “Neftçi” oyunu saat 20:00-da başlayacaq.