UEFA Avropa Liqasının play-off mərhələsi çərçivəsində keçiriləcək “Neftçi”-“Partizan” matçına bilet satışı sabah səhər saatlarından etibarən bərpa ediləcək.
İdmanxeber.com-un klubun rəsmi saytına istinadən yaydığı məlumata görə, azarkeşlər biletləri oyunun təşkil olunacağı T.Bəhramov adına stadionun və eyni zamanda “Bakcell Arena”nın kassalarından ala bilərlər. Azarkeşlər nəzərə alınaraq stadionun 80%-ni təşkil edən sektorlara biletlərin qiyməti 1 manatdır. Mərkəzi sektorlara olan biletlərin qiyməti 2-10 manat arasında dəyişir. VİP bölmələrə biletlərin qiyməti 50 manatdır. Qeyd edək ki, bir azarkeş 5 və ya daha artıq sayda bilet aldıqda şəxsiyyət vəsiqəsinin əslini və surətini kassaya təqdim etməlidir.