“Neftçi” “Çixura” səddini keçərək Avroliqanın pley-off mərhələsində Serbiyanın “Partizan” klubuna rəqib olub.
İdmanxeber.com “Partizan”la bağlı bəzi məlumatları nəzərinizə çatdırır.
Belə ki, ev oyunlarında ağ-qara, səfər matçlarında isə qara formadan istifadə edir.
Əsası 1945-ci ildə qoyulan “Partizan” ev oyunlarını 32 710 tamaşaçı tutumuna malik Belqrad şəhərində yerləşən “Partizan Stadium”da keçirir.
Klubun prezidenti Draqan Djuriç, baş məşqçisi isə Marko Nikoliçdi.
“Partizan”ın keçmiş Yuqoslaviyda uğurlarına gəlincə: klub 11 dəfə Yuqoslaviya çempionluğunu və 5 dəfə Yuqoslaviya kubokunun qalibi olub. Böyük ölkənin parçalanmasından sonra “Partizan” Yuqoslaviya Federativ Respublikasında gücünü sınayır və burda da uğur qazanır: 8 qat çempion və 4 dəfə kubokun qalibi.
1992-ci ilin yayında UEFA Yuqoslaviya klublarını Avrokuboklardan uzaqlaşdırır və onların nəticələrini ləğv edir. “Partizan” yalnız 1996/97 mövsümündə yenidən Avrokuboklara qayıda bilir. Ancaq uzun illər zəhmətdən sonra zəif rəqiblərlə qarşılaşmaq əvəzinə ilk mərhələlərdən güclü komandalara rəqib olur.
Klubun ləqəbi “ağ-qaralar”, “qəbirqazanlar”dı.
Qeyd edək ki, “Partizan” “Neftçi” ilə eyni qrupda mübarizə aparmış və iki matç da sülhlə başa çatmışdı – 1:1, 0:0.