“Neftçi” Rumıniya millisinin futbolçusu Denis Alibeçi transfer etmək istəyir.
İdmanxeber.az-ın “gsp.ro” saytına istinadən məlumatına görə, paytaxt təmsilçisi 32 yaşlı hücumçuya təklif göndərib. “Ağ-qaralar”ın Alibeçə aylıq 50 min avro maaş təklif etdiyi bildirilir.
Mənbə yazır ki, futbolçu Qətər klubu “Əl-Muaydar”ın da diqqət mərkəzindədir. Ərəblər Alibeçə 8 aylıq müqavilə qarşılığında 800 min avro ödəməyə hazırdır.
“Farul”da çıxış edən futbolçu özü açıqlamasında hələ seçim etmədiyini bildirib:
“Buradan ayrılmaq çətindir. Ancaq həll etməli olduğum başqa seçimlər var. Transfer hələ dəqiq deyil. Qətərdə isə qaydalarla bağlı bir az sərbəstlik var”.