“Neftçi” Azərbaycan Premyer Liqasının 5-ci turunda “Xəzər Lənkəran”la keçiriləcək oyuna hazırlığı davam etdirir.
İdmanxeber.com-un məlumatına görə, komanda hazırlıq çərçivəsində əvəzedici heyətlə qarşılaşıb. İsmət Qayıbov adına Bakıxanov qəsəbə stadionunda baş tutmuş yoxlama oyununda əsas və əvəzedici komandaların bütün futbolçularına şans verilib.
Xatırladaq ki, “Neftçi” – “Xəzər Lənkəran” matçı sentyabrın 20-də “Bakcell Arena” stadionunda keçiriləcək və saat 21:00-da başlanacaq.