"Neftçi" "Qəbələ"ylə oyuna 6 problemlə hazırlaşır.
İdmanxeber.com-a klubun mətbuat xidmətindən verilən məlumata görə, paytaxt klubunun heyətində 3 zədəli və 3 cəzalı futbolçu var.
Həftəsonu "Qəbələ" ilə keçiriləcək oyunda Böyükağa Hacıyev Mirhüseyn Seyidov, Ernest Nfor və Bahodir Nasimovun xidmətindən məhrum olacaq. Adı çəkilən futbolçular zədəli olduqlarından 33-cü tur matçını buraxmalı olacaqlar.
"Flaqman"ın itkiləri bununla bitmir. Erik Ramos, Araz Abdullayev və Deniz Silva "Qarabağ"la matçda sarı vərəqə alaraq, cəzalı duruma düşüblər. Buna görə də, bu 3 oyunçu da əyalət klubu ilə matçda "Neftçi"yə kömək edə bilməyəcəklər.