“Premyer Liqanın 25-ci turu çərçivəsində səfərdə “Qəbələ” ilə qarşılaşacaq “Neftçi” ciddi itki ilə üzləşib.
İdmanxeber.com-un məlumatına görə, “ağ-qaralar”ın hücumçusu Ernest Nfor zədələnib. Paytaxt klubunun kamerunlu forvardı böyük ehtimalla “Qəbələ”ylə səfər matçında meydana çıxa bilməyəcək.
Əvəzində isə “Neftçi”nin Lənkəran səfərində qırmızı kart görən üzvləri – Bruno Bertuççi və Karlos Kardozo çətin səfərdə paytaxt komandasına kömək edə biləcəklər.
Xatırladaq ki, “Qəbələ” – “Neftçi” matçı martın 9-da saat 13:00-da Qəbələ Şəhər Stadionunda keçiriləcək.