“Qarabağ”ın Çempionlar Liqasının III təsnifat mərhələsindəki rəqibi “Ferentsvaroş” Macarıstan çempionatının 2022/2023 mövsümünə qələbə ilə başlayıb.
İdmanxeber.az-ın məlumatına görə, Budapeşt klubu ilk turda öz meydanında “Puşkaş Akademiyası” ilə qarşılaşıb və görüş meydan sahiblərinin qələbəsi ilə yekunlaşıb – 1:0. Yeganə qolu 90+4-cü dəqiqədə Kristof Zakariassen vurub.
Qeyd edək ki, “Qarabağ”la “Ferentsvaroş” arasında ilk görüş avqustun 3-də Bakıda, Tofiq Bəhramov adına Respublika stadionunda keçiriləcək. Oyun saat 20:00-da başlayacaq.