UEFA Avropa Liqasının qrup mərhələsinin ikinci turu çərçivəsində sabah keçiriləcək “İnter” – “Qarabağ” oyunu öncəsi baş məşqçilərin mətbuat konfranslarının və komandaların açıq məşqlərinin vaxtı bəlli olub.
İdmanxeber.com-un məlumatına görə, ilk olaraq jurnalistlər önünə Milan klubunun çalışdırıcısı Valter Matsarri çıxacaq.
Bakı vaxtı ilə saat 16:30-da baş tutacaq mətbuat konfransından 2 saat sonra isə (18:30)-da isə Milan təmsilçisinin açıq məşqi olacaq. Bakı vaxtı ilə saat 22:00-da isə “Qarabağ”ın baş məşqçisi Qurban Qurbanov jurnalistlər önünə çıxacaq. Saat 22:30-da isə “Qarabağ” son məşqini keçəcək.
Qeyd edək ki, “İnter” – “Qarabağ” matçı sabah gecə saat 00:00-da başlayacaq.