”Orlando Mecik” əfsanəvi basketbolçu Şakil O`Nilin 32 nömrəli formasını əbədiləşdirib.
İdmanxeber.az-ın məlumatına görə, təqdimat “Toronto Reptors”la oyundan əvvəl baş tutub.
Qeyd edək ki, basketbolçu karyerasına məhz Florida komandasında başlamışdı. Maraqlıdır ki, Şakil Orlando komandasının tarixində belə şərəfə nail olan ilk oyunçudur. “Mecik” onun formasını əbədiləşdirən 3-cü komanda olub. Bu vaxta qədər “Los-Anceles Leykers” və “Mayami Hits” də O`Nilin formasını əbədiləşdirmişdi.