Milli komanda

“Oynamağa hazıram, lakin həkimlər icazə vermir” – Rəşad Sadıqov

2018-ci il dünya çempionatının seçmə qrup mərhələsində Şimali İrlandiya ilə qarşılaşacaq Azərbaycan millisi oyuna ciddi itki ilə çıxacaq.

İdmanxeber.com-un məlumatına görə, millinin baş məşqçisi Robert Prosineçki jurnalistlərə açıqlamasında bildirib ki, yığmanın kapitanı Rəşad Sadıqov zədə səbəbindən səfər görüşündə oynamayacaq. Rəşad Sadıqov isə deyib ki, bu gün səhər məşqində komanda yoldaşı Rəhman Hacıyevlə toqquşub və ayağı burxulub: "İynə ilə də olsa, oynamağa hazıram, lakin həkimlər icazə vermir". Qeyd edək ki, Şimali İrlandiya – Azərbaycan oyunu noyabrın 11-də keçiriləcək. Qarşılaşma Bakı vaxtı ilə saat 23:45-də başlayacaq. (report)


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43