“Qarşıda bizi çətin qarşılaşma gözləyir. İnanıram ki, öz oyunumuzu oynasaq, uğur qazanacağıq”.
İdmanxeber.az-ın məlumatına görə, bu sözləri “Omoniya”nın futbolçusu Velko Simiç Konfrans Liqasının pley-off mərhələsində “Zirə” ilə ilk oyun öncəsi fikirlərini bildirərkən deyib. O, daha sonra belə davam edib:
“Müsbət nəticə üçün nə etmək lazımdır? İndiyə kimi olan oyunumuzu davam etdirmək. Müdafiədə inamlı oynayıb, hücumda yaradıcı və dinamik olmalıyıq. Bu gün stadionun tam dolacağını gözləyirəm. Bu da bizə turnirin liqa mərhələsinə vəsiqə qazanmağımıza kömək edəcək”.
“Omoniya” – “Zirə” matçı bu axşam saat 21:00-da start götürəcək.