“Ağır oyun oldu. Əlimizdən gələni edirdik ki, qalib gələk. Nəhayət ki, son dəqiqələrdə penaltidən yararlanıb, 3 xalı qazandıq”.
Bu sözləri İdmanxeber.com-a açıqlamasında “Qəbələ”nin futbolçusu Ürfan Abbasov deyib.
“Qırmızı-qaralar”ın üzvü rahat qalib gəlmələri olduqları oyunda özlərini çətinə saldıqlarını bildirib:
“Biz bu oyunda rahat qələbə qazana bilərdik, özümüz çətinləşdirdik. Heç nədən özümüzü çətinə salırıq. Ona görə də erkən qol vurmaq istəyirdik. Oyunda xeyli qol imkanımız oldu. Onlardan yararlana bilsəydik daha rahat qələbə qazanardıq. Asan qazanmalı olduğumuz oyunu çətin qazandıq”.