UEFA Avropa Liqasının pley-off mərhələsinin ilk oyunu çərçivəsində “Qəbələ”nin qonağı olacaq “Panatinaikos”un Bakıya gələcəyi tarix müəyyənləşib.
İdmanxeber.com-un məlumatına görə, Yunanıstan təmsilçisi avqustun 19-da Azərbaycana gələcək. Elə həmin gün axşam saatlarında “Panatinaikos” matçın keçiriləcəyi “Baksel Arena”da oyunöncəsi son məşqinə çıxacaq.
Qeyd edək ki, avqustun 20-də keçiriləcək “Qəbələ” – “Panatinaikos” matçı saat 21:00-da başlayacaq.