Transfer çalışmalarını davam etdirən “Səbail” bu dəfə Azərbaycan yığmasının üzvünü komandaya cəlb edəcək.
İdmanxeber.az saytına daxil olan məlumata görə, Mahmud Qurbanov Azərbaycanın U-19 yığmasına cəlb edilən Amin Qarayevin xidmətində maraqlıdı. Hazırda “Dinamo”(Tbilisi) klubunun akademiyasının üzvü olan Qarayev Gürcüstanın U-17 yığmasında da çıxış edib.
“Əlincə” futbol akademiyasının yetirməsi olan Aminin özünün də Azərbaycana qayıtmaq istəyində olduğu bildirilir. Yaxın günlərdə sözügedən transfer açıqlanacaq.