“Milan”ın hücumçusu Rafael Leau karyerasını İspaniyada davam etdirə bilər.
İdmanxeber.az-ın məlumatına görə, 25 yaşlı portuqaliyalı “Barselona”ya keçmək arzusunu ətrafına çatdırıb. Kataloniya klubunun rəhbərliyi də Portuqaliya millisinin oyunçusunu heyətinə qatmaqda maraqlıdır.
Bu mövsüm Leau bütün turnirlərdə 14 matçda iştirak edib, 3 qol vurub və 5 məhsuldar ötürmə edib. Futbolçunun hazırkı müqaviləsi 2028-ci ilə qədərdir.