Bu gün Azərbaycan Premyer Liqasında 2022/23 mövsümünün püşkatma mərasimi keçirilib.
İdmanxeber.az xəbər verir ki, AFFA-nın inzibati binasında təşkil olunan tədbir saat 15:00-da başlayıb. Püşkün nəticəsinə əsasən, ilk turda aşağıdakı oyunlar olacaq:
1-ci tur
“Sabah” – “Sumqayıt”
“Turan Tovuz” – “Qəbələ”
“Kəpəz” – “Zirə”
“Şamaxı” – “Neftçi”
“Qarabağ” – “Səbail”
Azərbaycan Premyer Liqasında yeni mövsüm avqustun 5-də start götürəcək. Ötən mövsümdən fərqli olaraq bu dəfə turnirdə 8 yox, 10 komanda mübarizə aparacaq. “Turan Tovuz” və “Kəpəz”ə ölkənin əsas çempionatında iştirak etmək üçün lisenziya verilib.
Azərbaycan Premyer Liqasının 2022/23 mövsümündə iştirak edəcək komandalar: “Qarabağ”, “Neftçi”, “Qəbələ”, “Zirə”, “Sumqayıt”, “Sabah”, “Səbail”, “Şamaxı”, “Kəpəz”, “Turan Tovuz”.