PFL rəhbərliyi Azərbaycan I Liqasında mübarizə aparan “Karvan” klubunu ziyarət edib.
İdmanxeber.az-a verilən məlumata görə, qurum əməkdaşları Yevlax rayonuna səfəri zamanı komandanın ev oyunlarını keçirdiyi stadiona baxış keçiriblər. PFL nümayəndələri arenada müəyyən çatışmazlıqlar bəlirləyib və bu barədə klub rəhbərliyinə məlumat verib.
Premyer Liqaya iddialı olan “Karvan” komandası qısa vaxtda çalışmalara start verəcək. Rəhbərlik tez bir zamanda stadionun meydançasını yeniləmək niyyətindədi. Qonaqlar klubun yeni tikdiyi bazaya da baş çəkiblər.