Azərbaycan II Liqasında mübarizə aparan “Lerik” klubunun idarə heyətinin sədri Famil Məmmədov komandanın bugünkü oyuna çıxmamasından danışıb.
Klub rəsmisi İdmanxeber.az-a verdiyi açıqlamada maliyyə problemi yaşadıqlarını və bunun üçün etdikləri cəhdin faydasız olduğunu bildirdi:
“Komandanın oyuna gələ bilməməsinin səbəbi maliyyə məsələsidi. Bununla bağlı bir müddət öncə də məlumat vermişdik. Bundan sonra müəyyən cəhdlər etdik. Bəzi adamlarla görüşdük, lakin nəticə əldə edə bilmədik. Bu səbəbdən də bugünkü oyuna gələ bilmədik.
PFL-in əsasnaməsinə görə, əgər bir komanda iki oyun meydana çıxmırsa, çempionatdan uzaqlaşdırılır. Maliyyə məsələsində hər hansı bir irəliləyiş olmasa, klub fəaliyyətini dayandıracaq”.