“Qəbələ”nin UEFA Gənclər Liqasında 2021/22 mövsümünün 1-ci mərhələsindəki oyunlarının vaxtı dəqiqləşib.
İdmanxeber.az xəbər verir ki, Çempionlar yolunda mübarizə aparacaq Qəbələ təmsilçisi Niderland “Alkmaar”ı ilə qarşılaşacaq.
Sentyabrın 29-dakı ilk görüş Qəbələ şəhər stadionunda keçiriləcək. Matç saat 17:00-da başlayacaq.
Cavab qarşılaşması oktyabrın 19-da təşkil olunacaq. Matç “AZ Təlim-Məşq Mərkəzi”ndə olacaq. Oyun Bakı vaxtı ilə saat 19:00-da start götürəcək.
Bu cütün qalibinin növbəti rəqibi “Şikszereda” (Rumıniya) – “Anje” (Fransa) matçında müəyyənləşəcək.