“Qəbələ”nin futbolçusu Rauf Hüseynli komandada qalmaq istəməyib.
İdmanxeber.az-ın əldə etdiyi məlumata görə, “qırmızı-qaralar” müdafiəçini heyətdə saxlamaq istəyib. Ona yeni mövsüm üçün sözləşmə təklif edilsə də, Hüseynli bunu geri çevirib.
Futbolçu I Liqada oynamaq istəmədiyini bildirib. Hazırda Premyer Liqa klubları müdafiəçiyə maraq göstərir.
“Kəpəz” və “Şamaxı” oyunçunu heyətlərinə qatmaq fikrindədi. Hüseynli hələlik yekun qərarını verməsə də, onun Gəncə təmsilçisinə keçəcəyi ehtima edilir.