Ölkəmizi UEFA Çempionlar Liqasında təmsil edəcək "Qarabağ" Avstriyada təlim-məşq toplantısını davam etdirir.
İdmanxeber.com-un məlumatına görə, Ağdam təmsilçisi toplanış çərçivəsində bu gün ilk yoxlama matçında qüvvəsini sınayıb.
Qurban Qurbanovun başçılıq etdiyi komanda yerli “Vakker” klubu ilə qüvvəsini sınayıb. Matçın taleyini bir qoll həll edib. Qarşılaşmanın 41-ci dəqiqəsində hesabı açan avstriyalılar tək qolla qələbə qazanan tərəf olub.
Qeyd edək ki, Qurban Qurbanovun komandası ikinci sınaq matçını iyunun 28-i Rusiya çempionu “Zenit”ə qarşı keçirəcək. Son yoxlama oyunu isə iyulun 1-də “Skenderbeu” ilə olacaq.
25 iyun
Yoxlama oyunu
18:30. “Qarabağ” – “Vakker” 0:1
Qol: Yamniq Floryan, 41