Rusiya millisinin qapıçılar üzrə məşqçisi Vitali Kafanov “Qarabağ”ın oyunçusu Andrey Lunyovun Avropa Liqası qrup mərhələsindəki çıxışına münasibət bildirib.
İdmanxeber.az-ın məlumatına görə, yığmanın çalışıdırıcısı rusiyalı qolkiperin performansını yüksək qiymətləndirib. O, Ağdam təmsilçisinin Lunyov üçün düzgün seçim olduğunu vurğulayıb:
“Leverkuzen klubundan ayrıldıqdan sonra Lunyo bacarıqlarını reallaşdıra biləcəyi klub axtarırdı. Bu, avrokuboklarda çıxış edən komanda olmalı idi. “Qarabağ” məhz o anda Andreyə lazım olan komanda oldu. Onlar problemlərini həll etmək üçün axtardığı qapıçını tapıb. Praktiki olaraq ölkə çempionatının və Avropa Liqasının oyunlarında “Qarabağ” bütün həlledici xalları Andreyin köməyi ilə qazanıb”.
Andrey Lunyov Avropa Liqasının qrup mərhələsində ən çox seyv edən üçüncü qapıçı olub.