Türkiyənin Antalya bölgəsində təlim-məşq toplanışında olan “Qarabağ” bu gün sonuncu yoxlama oyununa çıxib.
İdmanxeber.az-ın məlumatına görə, ağdamlılar bu gün 12:00-da Çexiyanın “Bohemians” klubu ilə qarşılaşmalı idi. Amma hava şəraitinə görə, çexiyalılarla oyun baş tutmayıb.
Qurban Qurbanovun komandası 17:45-də “Visla”(Krakov) ilə üz-üzə gəlib. Krakov təmsilçisi ilə 3 hissədən ibarət oyun oynayan “Qarabağ” rəqibi ilə bərabərə qalıb.
“Qarabağ” – “Visla”(Krakov) 0:0
İstifadə edilə bilməyən penalti: Yan Kliment, 53
“Qarabağ”: Luka Quqeşaşvili, Marko Veşoviç, Maksim Medvedev(k), Kevin Medina, Toral Bayramov, Qara Qarayev, İsmayıl İbrahimli, Filip Ozobiç, Kadi, Abdella Zubir, İbrahima Vadji
“Qarabağ” toplanış çərçivəsində “Qaz Metan”(0:0), “Baçka Topala”(0:1) və “Şlensk”lə (2:3) qarşılaşmışdı.
“Qarabağ” Antalyada bundan əvvəl üç yoxlama oyunu keçirib. “Qarabağ” Rumıniyanın “Qaz Metan” komandası ilə heç-heçə edib, Serbiya “Baçka Topola”sı (0:1) və Polşa “Şlyonsk”una (2:3) isə uduzub.
Yoxlama oyunu
25 yanvar
12:00 Qarabağ – Bohemians (Çexiya)
18:00 Qarabağ – Visla (Polşa, Krakov)