Bu gün Avropa Liqasında pley-off mərhələsinin cavab oyunları keçirilir.
İdmanxeber.com-un məlumatına görə, bu turnirdəki təmsilçimiz "Qarabağ" İsveçrə "Yanq Boyz"unu sınağa çəkəcək.
Berndə keçirilən matçda minimal hesablı qələbə qazanan "köhlən atlar" ən azı heç-heçə etməklə qrup mərhələsinə vəsiqə qazana bilər.
Ağdam klubunun səfərdə sərgilədiyi futbol futbol ictimaiyyəti tərəfindən bəyənildi və Qurban Qurbanovun yetirmələri böyük azarkeş ordusu ilə "Yanq Boyz" səddini keçərək, tarixində ikinci dəfə qrup mərhələsinə vəsiqə qazanmağa çalışacaq.
Avropa Liqası, Pley-off mərhələsi (cavab oyunu)
27 avqust
21:00. "Qarabağ” – "Yanq Boyz" – 3:0
Qol: Almeyda 3, Reynaldo 43, Əfran İsmayılov 61.
Hakimlər: Gediminas Majeyka, Vitautas Şimkus, Vitenis Kazlauskas, Sergey Sliva (Litva).
Bakı. Tofiq Bəhramov adına Respublika stadionu.
İlk oyun – 1:0.