Kateqoriyasız

“Qarabağ” Emil Balayevi transfer edir? – Direktor açıqladı

“Qarabağ”ın direktoru Emrah Çelikel “Zirə” ilə müqaviləsi başa çatan Emil Balayevi transfer etdiklərinə dair xəbərlərə münasibət bildirib.

İdmanxeber.az-ın məlumatına görə, klub rəsmisi “Report”a açıqlamasında Azərbaycan millisinin qapıçısı ilə danışıq aparmadıqlarını söyləyib.
O, ümumiyyətlə, bu məsələdən xəbərsiz olduğunu deyib: “Məndə belə bir informasiya yoxdur. Demirəm ki, Emili transfer edəcəyik və ya etməyəcəyik. Sadəcə bu günə olan məlumat belədir”.
Mövsümün sonunda “Qarabağ”la icarə müqaviləsi başa çatan Araz Abdullayevin komandadakı gələcəyindən də söz açan direktor məsələnin açıq qaldığını vurğulayıb: “Araz bizdə icarə əsasında çıxış edirdi. Müqaviləsi bitib. Amma hələ onunla bağlı məsələ də dəqiqləşməyib. Qurban Qurbanovla görüşümüzdən sonra bütün suallara aydınlıq gələcək”.
Qeyd edək ki, Emil Balayev ötən mövsümün ilk hissəsini Qazaxıstanın “Tobol” klubunda keçirib. Araz Abdullayev isə müqavilə ilə Yunanıstan “Panionios”una məxsusdur.

İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“İddiaçılar turniri təxirə salınmadan bitərsə, uduzan bizim şahmat olacaq”

admin

Çempionlar Liqası: Bugünkü oyunlar bu kanallarda – TV AFİŞA

admin

“Sumqayıt”ın ikinci oyununun vaxtı

admin