Çempionlar Liqasında yoluna inamla davam edən “Qarabağ” turnirin III təsnifatında “Ferentsvaroş”la qarşılaşacaq.
İdmanxeber.az-ın mumatına görə, Azərbaycanın iki qanuni mərc şirkəti – “Etopaz” və “Misli” bu oyun üçün əmsalları açıqlayıb. Hər iki bukmeyker kantoru Ağdam klubunu Bakıdakı matçda şanslı sayır. “Qarabağ”ın qələbəsinə açılan əmsal 2.15-di. Matçın heç-heçəsinə 3.30, macarların qələbəsinə isə 3.27 əmsal açılıb.
Qeyd edək ki, “Qarabağ”la “Ferentsvaroş” arasında ilk görüş avqustun 3-də Bakıda, Tofiq Bəhramov adına Respublika stadionunda keçiriləcək. Oyun saat 20:00-da başlayacaq. Cavab görüşü isə avqustun 9-u Budapeştdə keçiriləcək. Bu qarşılaşmaya da yerli vaxtla saat 20:00-da (Bakı vaxtı ilə 22:00) start veriləcək.